غرفة التحقيق

#إسأل_قبل_ماتنزل صديقي المحامى ( ٥ ) :  حضرتك عارف أنا بحبك وبخاف عليك قد إيه وحرصا منا على بعض ونظراً للظروف الحالية قبل ماتنزل الشغل أسأل عن الدائره ؛ أمين السر؛ الموظف ؛ توقيتات وجودهم  وعلشان تنجح الفكرة ويتفعل الهاشتاج  هعمل بوست ثابت ليك عايزك تساعد زميلك وتقولنا دائرة عملك نظام جلساتها ازاى مواعيد اجازات امناء السر وغيرها من التعليمات الخاصة بمحكمتك . حياتك وحياة زميلك متوقفة على تفاعلك بأي معلومة فلو سألت قبل ماتنزل هتحمى نفسك  ارجوك كن ايجابي وساعد زميلك.

كلام محامين ·       ساعات الواحد يبقى قاعد في امان الله في المكتب يلاقى موكل داخل عليه وبيعرض عليه قضيته لاخذ الاستشارة ورغبته في اسناد قضيته للمكتب واثناء الحديث تلاقى الشخص ده بشكل عفوى بيقول كلمة قانونية او مصطلح من كلام المحامين فتعرف على طول بسرعة بديهتك وفطنتك انه سأل قبلك محامى زميل حصل معاك الموقف ده  

الي صديقي المحامي : ربنا يوفقك وتكون ناجح وعظيم بس انا عندي رأي ان النجاح له مقومات وأدوات من غيرها عمر النجاح ما هيتحقق فمن يرغب في التقدم عليه الأخذ بأسباب النجاح وأهمها العلم والثقافه والتواضع ووضع أهداف واستراتيجيه ومده لتحقيقها وانه يشتغل علي نفسه لتطوير شخصيته بحيث يكون محبوب ونشط ومتفاعل مع المحيطين به ومتعاون وصبور ومن أهم ادوات النجاح الكتاب والمعلومة الصحيحه والفهم القانوني وطريقه وصياغه هذا كله في توصيل وجهه نظرك مع أهم شيئ هو الهدوء والصبر والثبات للوصول للهدف ولا تفرح بالبراءه ولا عند كسب قضية إنما هي بفضل من الله ونعمه ولاتحزن بخساره قضية فقد تكون اختبار من الله لمعرفه قوه ثباتك وصبرك في النهايه اعتقد انك لو عملت ده ربنا هيوفقك وهتكون ناجح وعظيم.

يقول توماس أديسون : " الفاشلون هم أناس لم يعرفوا كم كانوا قريبين من النجاح حين توقفوا "..!!.، الإصــرار على النجاح يولد النجاح ..!